«Саха төрүт тылын, суругун – бичигин күнүн» бэлиэтиир «САХАЛЫЫ ДЬЫКТААН»

«САХА ОМУК ТЫЛА

ҮРҮЙЭ УУТУН КУРДУК СЭРГЭХ,

СИР СИМЭҔИН КУРДУК СИЭДЭРЭЙ…” Амма Аччыгыйа

 

«Саха төрүт тылын, суругун – бичигин» күнүгэр аналлаах олунньу 13 күнүгэр «Алын сүһүөх кылаас учууталларын бэлэмниир салаа» С.Ф.Гоголев аатынан Дьокуускайдааҕы педагогическай колледж үрдүнэн «Саха төрүт тылын, суругун – бичигин күнүн» бэлиэтиир «САХАЛЫЫ ДЬЫКТААН» уонна «АМАН ӨС» күрэһин биллэрэн, устудьуоннары, учууталлары  бэлэмнээн сүрдээх тэрээһиннээхтик ыытта.

Сыала – соруга: Төрүт тыл, сурук – бичик култууратын суолтатын үрдэтии, билиини хаҥатыы, таба суруйуу үөрүйэҕин олохсутуу, үүнэр – көлүөнэ педагог төрүт тылынан суруйар, ааҕар, кэпсиир, көнүл саҥарар дьоҕурун сайыннарыы.

Сахалыы дьыктаан суруйуутугар уопсайа 142 киһи кытынна, 120 устудьуон, 22 – колледж үлэһиттэрэ уонна учууталлара. Дьыктаан – быһа холоон30 мүн. тэрилиннэ. Н.Е.Мординов – Амма Аччыгыйа Сааскы кэм арамааныттан, төрдус түһүмэҕиттэн быһа тардан бэрилиннэ. Уопсай сыанабылынан устудьуоннар да, учууталлар, үлэһиттэрда көхтөөхтук кытыннылар, тус билиилэрин, таба суруйууларын чопчулуур эйгэҕэ киирэн өрө көтөҕүүлээхтик үлэлээтилэр.

Сахалыы дьыктаан – 2018 сыллааҕы түмүгэ:

1 миэстэ – Бравина Айкуо ПвНК 16 б;

2 миэстэ –  Аргунова Сардана ПвНК 17 б, Афанасьева Марина ПвНК 15 а;

3 миэстэ – Кычкина Евдокия ПвНК 15 а, Павлова Снежана ПвНК 15 а.

Учууталларга уонна үлэһиттэргэ:

1 миэстэ – Санникова Э.И. омук тылын учуутала;

2 миэстэ – Волкова М.В. нуучча тылын учуутала, Фадеева П.В. нуучча тылын методикатын учуутала, Федорова М.Г. алын сүһүөх кылаас учууталларын бэлэмниир салаа педпрактикатын сэбиэдиссэйэ;

3 миэстэ – Данилова К.Е. оскуолаҕа киириэн иннинээҕи саастаах оҕолору иитэччитин бэлэмниир салаа учуутала.

Бүтүн колледж үрдүнэн тэриллибит Сахалыы дьыктааннары бэрэбиэркэлээбит, сурук – бичик алҕаһын буларга, сыанабыл таһаарбыт учууталларбытыгар Сергеева С.М., Сорокоумова М.Г., Таркова А.П., Федорова М.Г., Григорьев В.М., Дмитриева Н.В. барҕа  махталбытын тиэрдэбит!

[ngg_images source=”galleries” container_ids=”49″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”0″ slideshow_link_text=”[Показать слайдшоу]” order_by=”sortorder” order_direction=”ASC” returns=”included” maximum_entity_count=”500″]

Добавить комментарий