Ийэ тыл дьоро күнэ

Олунньу 13 күнэ – Ийэ тыл сурук-бичик күнэ. Бу күнү С.Ф. Гоголев аатынан ЯПК алын сүhүɵх оскуолата бастакытын бэлиэтээтэ. Бары сахалыы таҥнан киэргэйдибит. Аан айаҕыттан Надежда Георгиевна, Северина Семеновна алгыстаан, арчылаан кɵрүстүлэр.

Дьоро күммүт үɵрүүлээх чааhыгар библиотекарь Захарова Наталья Дмитриевна саха суруга-бичигэ хайдах саҕалаан сайдыбытын, сахалартан тыл үɵрэхтээҕэ С.А.Новгородов алпаабытын туhунан билиhиннэрдэ. Оҕолор кылааhынан саха биллиилээх суруйааччыларын: А.А. Иванов – Күндэ «Тɵрɵɵбүт тыл», С.П. Данилов «Саха саҥата», В.Сивцев «Тɵрүт тыл», А.И. Софронов – Алампа «Ыччат сахаларга» хоhооннорун доргуччу ɵйтɵн аахтылар. Тɵрɵппүт Игнатьев Виктор Викторович оhуохай хамсаныытын кɵрдɵрɵн – үɵрэтэн баран үҥкүүгэ ыҥырда. Тоҥолохтон тутуhан ɵбүгэбит сиэринэн оhуохайдаан ыллыбыт.

Онтон С.А. Новгородов туhунан кылаас салайааччылара кэпсээн билиhиннэрдилэр.

Физкультура уруоктарыгар тɵрүт хамсаныылаах оонньуулар буоллулар.

Саха тыллаахтɵр ɵɵбүт сүдү омук сыдьааннара буоларбытынан киэн туттан, сирэйбит-харахпыт сырдаан, биир үтүɵ күнү атаардыбыт. Оҕолорбут олус астыннылар, үɵрдүлэр.

Ыҥырыыбытын ылынан дьаhалбытыгар кыттыыны ылбыт күндү тɵрɵппүттэрбитигэр Виктор Викторовичка, СеверинаСеменовнаҕа, үɵрэнэр кыhабыт ийэтигэр Надежда Георгиевнаҕа, библиотекарь Захарова Наталья Дмитриевнаҕа махтана хааллыбыт.

Сахалыы саҥа сайыннын, туругурдун!

Добавить комментарий

Ваш адрес email не будет опубликован.