2022 сыл Россия5а норуот айымньытын уонна культурнай нэьилиэстибэ, Саха сиригэр автономия теруттэммитэ 100, Саха республикатыгар Ийэ, уерэ5ирии эйгэтигэр Литературнай аа5ыы сылларынан биллэриллибитэ.
Бары уерэх тэрилтэлэригэр иитэр суолталаах элбэх тэрээьиннэр былааннаахтык ыытыллаллар.
Автономия 100 сылынан С.Ф.Гоголев аатынан Дьокуускайдаа5ы педагогическай колледж директора Мурукучаева Н.П. уонна П.А.Ойуунускай аатынан Саха театрын директора Макаров П. Т. бииргэ улэлэьии себулэнэр илии баттаспыттара.
Дьокуускайдаа5ы учительскай семинария выпускниктара П.Ойуунускай, М.Аммосов, С.Аржаков, И.Барахов, С.Гоголев о.д.а. тустарынан «Семинария паартатыттан автономия трибунатыгар» диэн спектаклы бииргэ туруоруу улэтэ бара турар.
Устудьуоннары Саха республикатын культура5а туйгуна, режиссер И.С. Новиков дьарыктыыр. Студенческай спектакль ыам ыйыгар Саха театрын сценатыгар турара былааннаммыта.
Керсуьууну Саха театрын кылаабынай режиссера, Саха республикатын култууратын утуелээх деятелэ Руслан Тараховскай иилээн-са5алаан ыытта.
2014 сыллаахха колледж 100 сылын бэлиэтиир улахан тэрээьиннэ Руслан Игоревич бэртээхэй литературно – музыкальнай композицияны туруоран биьиги колледж устудьуоннара «Триумф» уора5айыгар ситиьиилээхтик кыттыбыттара.
Бу истин керсуьуугэ Р. Тараховскай артыыстар оруолга хайдах турукка киирэллэрин, гримнэнии ньымаларын кэпсээтэ.
Ол курдук А.Е.Кулаковскай (Ексекулээх Елексей), П.А.Ойуунускай. М.К.Аммосов, А.И.Софронов (Алампа) оруолун толорор артыыстара Александр Борисов (Кулаковскай), Саха республикатын утуелээх артыыьа
Дьулустан Семенов (Ойуунускай), Саха республикатын культуратын туйгуна Николай Протасов (Алампа), Вячеслав Лавернов (Аммосов) оруолга сугуруйуу сиэрин-туомун, оруолларыттан быьа тардан аа5ыылары толордулар.
Керсуьуугэ Саха театра уонна Дьокуускайдаа5ы педколледж бииргэ оонньуур холбоьуктаах испиктээкиллэрин текстын театр артыыстарыгар колледж режиссера И.Новиков туттарда.
Бу олус дирин суолталаах керсуьууну тэрийбит иитэр улэни тэрийээччи педагог М.Попова ыалдьыттарга колледж историятын кэрэьэлиир «Учительству я сердце отдаю» кинигэни бэлэх уунна, ыалдьыттарга махтанна.
Бииргэ улэлэьии себулэнин чэрчитинэн Саха театрын биллиилээх артыыстарын кытары алтыьыыны тэрийбит Саха театрын директорыгар П.Т.Макаровка, солбуйааччытыгар Г.И. Охлопковка, маркетинг отделын специалиьыгар С. Петрова5а махталбытын тиэрдэбит!
